Aw! Nang melhoinu
Mit a vetchim jou lou
Lunga gelchim theilou
Na donghoi na le
Na tongso nem chu
Mitin lunglai a koi e
Chavang laiya gam sahei pah bang
Mit a vet ding in na hoi ngei e
Hibang lom a vetlom melhoi
Kei a ding in chullou in pah jingo

Hibanga melhoi lanu nang
Ka mu nia pat
Jantin samang jal mo'n ka gel ji
Kamdam heuva neihin houpi
Ji na ho ka gel teng
Ka hin lhangai ji lheh e

Ang dang koi din ka hin phal poi
Keiya ding mong na hi lungdang
Gel ding got da tan
Nang bou ka deilhen na hitai
Lungtup molso ding ngah lel in
Phat tin nang jeng bou
Gel nan hinkho ka mang ji tai

Nam jem a na kivon ji teng
Ka hin vechim thei jipoi
Na ki jepna jouse toh
Na kilom ngei e o
Hoina jouse'n na bom e aw ka deinu
Nuihiu a lam na hin jot ji teng
Na langa mit jouse
Na kai le ji e
Melhoi jengseh jong hilou
Na chonnem na le
Na khanthem na ho
Midang toh ka tethei ji poi
Nang bou na hi e
Ka lungdeinu

Na hoi e ka dei e ka ngai e
Chullou in kei ding in
Pah jingo
I kah a khenna thei tam jong le
Ka hin lungsetna le
Ka hin ngaina ho jal in
Na lungdei kei ding in
Pal bang ki song jing in
Ka lungsetna jouse
Nanga aum jinge
Damlai leiset hinkho
Chomcha i nei sung hin
Nang toh pahbang pahkhom jinga
Mollep khom ding hi kei dia
Kipana le lungnopna hitante

Hey! Melhoi nang ka mu nia pat in
Ka lunglai na lodim in lungmit in na lang jinge
Phattin nang kom um ding lung in bou gel jing in
Na kom ka um teng thildang gel thei jilou in
Phat che lam ka na heimil ji tai
Midang toh na um ka mu jong le
Engsetna in ka lunglai a lo ji'n
Lunggel ki choldam thei ji lou in ka um ji e
Nei hethem o
Imajouse nang ka dei leh ka ngai jeh ahi bou e
Melhoi ijat Ka lunglai ei nem tam na'n jong
Nang banga ka lunglai tongkha le
Ei nemsah ding aum poi Nang bou na hi e
Ka dei leh ka lungset pen
Kemthei lou lungset ka chan
Ka lungdei lungdei melhoi nang
Ka lungdei lungdei melhoi nang
Aw nang ka lungdeinu

Nam jem a na kivon ji teng
Ka hin vechim thei jipoi
Na ki jepna jouse toh
Na kilom ngei e o
Hoina jouse'n na bom e aw ka deinu
Nuihiu a lam na hin jot ji teng
Na langa mit jouse
Na kai le ji e
Melhoi jengseh jong hilou
Na chonnem na le
Na khanthem na ho
Midang toh ka tethei ji poi
Nang bou na hi e
Ka lungdeinu

Aw! Nang melhoinu
Mit a vetchim jou lou
Lunga gelchim theilou
Na donghoi na le
Na tongso nem chu
Mitin lunglai a koi e
Chavang laiya gam sahei pah bang
Mit a vet ding in na hoi ngei e
Hibang lom a vetlom melhoi
Kei a ding in chullou in pah jingo